كثرة الوعود

كثرة الوعود

الصحفي أحمد عثمان يكتب

متى يأتي اليوم الذي نتكلم فيه كلام الحق، ونعد وعد الصدق، وتقوم حياتنا على التواصي بالحق.

“نابليون” قال ذات يوم :
أفضل طريقة للالتزام بالوعد هي ألا تعد بشيء .

منرجع للعامية

بتتذكروا صطوف تبع عرب البادية يللي حكينا عنه بمنشور سابق يللي حزرته شو بشتغل أنا وعرف اني صحفي .

والصحفي يا جماعة الخير إذا وعد وفى ، ومثل ما وعدنا صطوف نسوقه السيارة … وعدنا معالي وزير الإقتصاد انه يعيد النظر باستيراد السيارات باعتبار أن السادة التجار أخطأوا في احتساب ارباحهم ولذلك وجب عليها تصحيح الخطأ ، نحنا وفينا بوعدنا وعم ننتظر من الأخ …….. يوفي بوعده !!!!

منرجع لصطوف قبل ما يطلع عالسيارة قلي خلينا نجيب سطل هالعنب من عند الحجة ، وانت قعود جنبي وكول عنب يا استاذ .

تمترس صطوف بقفى الدركسيون وكأنه طالع على حصان ورايح فزعة لعربانه ، وحط قدامي سطل العنب المليان بوظ وقلي اتسلى استاذي . وشفط هديك التشفيطة وطلع مثل ما بيطلعوا تبعات الميتورات ، كان عم يلعب بالدركسيون لعب تقول وزير عم يستعرض مهاراتو .
وكل شوي مافي غير يشبب السيارة مثل زعران الميتوارات بشوارع دمشق تبع آخر الليل لاسيما أنه تاركينهن على راحتهن ؟؟؟؟؟!!!
التفت لعندي وقلي كول عنب استاذ قلت هيك وهيك صايره ولا سيما رح ينقطع نفسي لآكل عنب.بركي بخف ضغطي ، طالعت عنقود وصرت آكل
بردلي اعصابي العنب واكلت الثاني والثالث وقلت لصطوف : رجاع رجاع قطعت قلبي بعد ما صارت سرعته أكثر من ٢٠٠
وبشكل أو بآخر كانت السيارة بالاتجاه المعاكس بعد فرام ولفة دركسيون مثل لفات مشايخنا بالزبط وقلت الله يجيرنا وصلنا المضارب . وهون فرام صطوف مو بس قطع قلبي قطع كل أمل عندي بأنه يتصحح الخطأ وتنزل أجرة السرافيس وتتحسن المعيشة .

نزلنا من السيارة والعرق عم يصب مني صب
استئبلتنا سته يعني جدته لصطوف وقالتله وين أخذت سطل البوظ معك لك ستي جيبو لعندي حاطة في دكة سناني منشان تبرد انا سمعت هالكلام والعنب طلع من الامعاء الدقيقة مروراً بالغليظة ليرجع للمعدة ليوصل لحلقي وانا عم امسك نفسي ما تطلع مصاريني مع العنبات .

ركض صطوف وجاب بشكير كان قدامه وصار يمسحلي عرقي.
صاحت سته ولك ما لقيت غير البشكير يلي شخ عليه اخوك لتمسح في عرق الاستاذ .

قلت لنفسي لعمي انا واعد الدكتور سعيد ولازم كون عند وعدي ، ووعد الحر دين خلينا نمشي يا عم وبكفينا هالخوازيق الله يصطفل فيك يا صطوف والله يسامحك يا عمي على هالاستفقادة والله يكون بعونك ياسيادة المسؤول بشكل أو بآخر

اخي ابو يوسف قلي معالي وزير الإقتصاد نيمكن و شطحكن
يمكن ابو يوسف من جماعة يللي بناموا عالخطبة بيوم الجمعة لأنه الخطيب من حفاظ المعلقات .

في النا كمالة مع صطوف وكمان في النا حكي مع معالي وزير الإعلام بس هلأ
تصبحوا على الف خير .